मुंबई दि.१९ (सिटीनामा वृत्तसेवा)
राज्यातील २९ महानगरपालिकेच्या महापौर पदाचे आरक्षण निश्चितीसाठी आरक्षणाची सोडत मा.नगर विकास राज्यमंत्री महोदयांच्या अध्यक्षतेखाली गुरुवार दि.२२ जानेवारी २०२६ रोजी सकाळी ११ वाजता परिषद सभागृह, ६ वा मजला, मंत्रालय मुंबई येथे आयोजित करण्यात आल्याची माहिती नगर विकास विभागाकडून अधिकृत पत्रक जारी करून देण्यात आली आहे.
नुकत्याच राज्यातील महानगरपालिकेच्या निवडणुका झाल्यानंतर राजकीय वर्तुळात आता महापौर कोण होणार ? याची चर्चा असल्याने गुरुवारी होत असलेल्या महापौर पदाच्या आरक्षण सोडतीकडे राज्याचे लक्ष लागले आहे.
